கஞ்சா விற்பனை செய்த வாலிபர் கைது; 3 கிலோ கஞ்சா பறிமுதல்

தர்மபுரி மாவட்டம் கம்பைநல்லூர் பெரிய ஏரிப்பகுதியில் கஞ்சா விற்பனை செய்து வருவதாக அரூர் மதுவிலக்கு அமல்பிரிவு போலீசாருக்கு ரகசிய தகவல் கிடைத்ததின் பேரில் எஸ்ஐ வெங்கடேஷ்குமார் மற்றும் போலீசார் அப்பகுதிக்கு விரைந்தபோது அங்கு பதுங்கியிருந்த 2 பேர் போலீசாரை கண்டதும் தப்பியோட முயன்றனர். அவர்களில் ஒருவரை போலீசார் மடக்கி பிடித்து விசாரணை மேற்கொண்டதில் அவரும் அவரது கூட்டாளி இருவரும் இணைந்து கஞ்சா விற்பனையில் ஈடுபட்டது தெரியவந்தது.பிடிபட்டவரை கம்பைநல்லூர் போலீஸ் ஸ்டேஷனில் ஒப்படைத்தனர். விசாரணையில் அவர் அதே பகுதியைச் சேர்ந்த காளியப்பன்(49) என்பதும், கஞ்சா பதுக்கி விற்றதும் உறுதியானதை அடுத்து அவரை போலீசார் கைது செய்தனர். அவரிடமிருந்து 3.கிலோ கஞ்சாவை பறிமுதல் செய்தனர்.தப்பியோடிய மற்றொருவரை போலீசார் தேடி வருகின்றனர்.