குடிபோதையில் வெடித்த சண்டை.. கல்லால் அடித்து எலக்ட்ரீஷியனை கொலை செய்த கொடூரம்

திருச்சியை அடுத்த மணிகண்டம் அருகே ஓலையூர் கிராமத்தைச் சேர்ந்தவர் செல்வம். இவரது மகன் அந்தோணிகுமார் (வயது 38.எலக்ட்ரீஷியனாக இருக்கும் இவருக்கு இன்னும் திருமணம் ஆகவில்லை. அதே ஊரைச் சேர்ந்தவர்கள் பெரியசாமி மகன் ஜெய்சங்கர் (35), சந்தியா மகன் சித்தராஜ் (31). இந்த 3 நண்பர்கள் மீதும் மணிகண்டம் காவல் நிலையத்தில் பல்வேறு குற்ற வழக்குகள் நிலுவையில் உள்ளன.நேற்று முன்தினம் இரவு 11 மணியளவில் ஓலையூர் கிராமம் அருகே பாலன் நகர் திறந்தவெளி பகுதியில் அந்தோணிகுமார், ஜெய்சங்கர், சுக்துராஜ் ஆகிய 3 பேரும் மது அருந்தி கொண்டிருந்தனர். அப்போது, போதையில் இருந்த அவர்களுக்கு இடையே வாக்குவாதம் ஏற்பட்டது. ஆத்திரமடைந்த ஜெய்சங்கர், சித்தராஜ் ஆகிய இருவரும் அந்தோணிகுமாரை கைகளால் தாக்கினர். மேலும் ஆத்திரத்தில் நிலத்தை அளந்து குறியிடுவதற்காக வைக்கப்பட்டிருந்த கல்லை எடுத்து தலையிலும் கழுத்திலும் தாக்கியுள்ளனர். இதில் அவர் ரத்த வெள்ளத்தில் மயங்கி விழுந்தார்.இதற்கிடையில் ஜெய்சங்கர் 108 ஆம்புலன்சுக்கு போன் செய்து தனது நண்பர் கீழே விழுந்து காயம் அடைந்துள்ளதாகவும், அவரை சிகிச்சைக்காக மருத்துவமனைக்கு கொண்டு செல்ல வேண்டும் என்றும் கூறியுள்ளார். இதையடுத்து, விரைந்து வந்த 108 ஆம்புலன்ஸ் ஊழியர்கள் அந்தோணிகுமாரை பரிசோதித்ததில் அவர் இறந்து கிடந்தது தெரியவந்தது.இதனிடையே ஜெய்சங்கருடன் சேர்ந்து அந்தோணிகுமார் கொல்லப்பட்டது குறித்து அந்த ஊர் மக்கள் மணிகண்டம் போலீசாருக்கு தகவல் தெரிவித்தனர். அதன்பின், ஜெய்சங்கர், சுகுதாராஜ் ஆகியோரை கைது செய்தனர். பின்னர் இருவரும் திருச்சி ஜே.எம்.4 கோர்ட்டில் ஆஜர்படுத்தப்பட்டு திருச்சி சிறையில் அடைக்கப்பட்டனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.