12 வயது சிறுமியிடம் பாலியல் சீண்டலில் ஈடுபட்ட 67 வயது முதியவர்.. அதிரடியாக போக்சோவில் கைது

கிருஷ்ணகிரி மாவட்டம் ஓசூர் அருகே உள்ள மூக்கண்டப்பள்ளி பகுதியைச் சேர்ந்த தம்பதிக்கு 12 வயது பெண் குழந்தை அதே பகுதியில் உள்ள பள்ளியில் படித்து வருகிறார். இந்நிலையில் பக்கத்து வீட்டில் மணி என்ற 67 வயது முதியவர் சிறுமியின் வீட்டில் யாரும் இல்லாததை அறிந்த முதியவர் சிறுமிக்கு பாலியல் தொல்லை கொடுத்துள்ளார். மேலும், இதை வெளியே சொன்னால் கொன்று விடுவதாகவும் மிரட்டியுள்ளார். ஆனால் சிறுமி தனது பெற்றோரிடம் கூறி அழுதார். இதைக் கேட்டு அதிர்ச்சியடைந்த சிறுமியின் பெற்றோர் ஓசூர் அனைத்து மகளிர் காவல் நிலையத்தில் புகார் அளித்தனர்.இந்த புகாரின் பேரில் போலீசார் வழக்குப்பதிவு செய்து முதியவர் மற்றும் அவரது மனைவியை கைது செய்து விசாரணை நடத்தினர். விசாரணையில், சிறுமியை முதியவர் பாலியல் கொடுமை செய்தது உறுதியானது. இதையடுத்து அவர்களை போக்சோ சட்டத்தில் கைது செய்த மகளிர் போலீசார், ஓசூர் நீதிமன்றத்தில் ஆஜர்படுத்தி சிறையில் அடைத்தனர்.